Array

Мисија и цел

Во време на брз технолошки развој, глобализација, информатичка револуција и реформи во образовнието, се трудиме, подготвени да го дочекаме, прифаќајќи ги промените и новонастанатите услови како предизвик, борејќи се за својата позиција и афирмација со постигнување на нови применливи знаења, квалитет, иновативност и искористување на сите внатрешни потенцијали на училиштето.

 

СОУ Гимназија „Добри Даскалов“
Ученици од Гимназијата “Добри Даскалов“ водичи на патувачката изложба “Ана Франк – Историја за денес“ PDF Печати Е-пошта
сабота, 21 мај 2016 10:29

Во вторникот на 10 мај во просториите на Музеј- Галерија Кавадарци беше отворена изложбата “Ана Франк – Историја за денес“ во соработка со невладината организација Младински Образовен Форум од Скопје, Музеј-Галеријата и Гимназијата “Добри Даскалов“ од Кавадарци. Овој настан донесе нешто ново и интересно за учениците од нашата гимназија, бидејќи самите ученици учествуваа во свеченото отварање, но и за време на престојот на изложбата во нашиот град тие ќе имаат улога на водичи низ изложбата за сите групни и поединечни посети.

IMG 20160510 181923

Повеќе...
 
Пехарот во рацете на кошаркарките PDF Печати Е-пошта
вторник, 10 мај 2016 19:09

Да работиш во тим, да играш како тим, да бидеш заедно и во падови и подеми, да му подадеш рака на победникот, а да уживаш во својот успех...Да се гордееш и да веруваш дека можеш уште повеќе, да го претставуваш училиштето и да го закитиш со медали, да бидеш дел од кошаркарската историја на гимназијата, генерациите кои доаѓааат да се радуваат на твојот успех и да бидеш нивна мотивација, да ја продолжиш традицијата......

Сите сплотени како еден, возбуда и жар во очите, а радост во срцата.....Тоа е сликата на младите гимназијалки кои денес беа на прием кај Директорката на Гимназијата Невенка Поп-Ангелова. Не постоеја зборови да ја искажат радоста од успехот од освоеното второ место на Гимназијадата, во категоријата- кошарка жени, на која учествуваа во периодот од 8 до 10 мај во Куманово. Пресреќни го донесоа пехарот во канцеларијата на Директорката, раскажувајќи за впечатоците од натпреварите, но и за силната мотивација која ги водела за време на играта. Противниците биле поискусни, ученички од IV година, а екипата од нашето училиште е составена од ученички од од I,II,III година. Една млада екипа која ветува уште многу успеси и радост за сите.

13153455 866535740158690 648625322 n

Последно освежено на вторник, 10 мај 2016 19:18
Повеќе...
 
Работилница на тема СТЕРЕОТИПИ со учениците од нашето училиште кои го изучуваат францускиот јазик PDF Печати Е-пошта
петок, 13 мај 2016 13:12

Во просториите на Гимназијата “Добри Даскалов” во петокот 06.05 2016 по повод Денот на Европа,9 Мај, волонтерите од КРЕАКТИВ, Фани (Франција) и Лука(Италија) одржаа работилница на тема СТЕРЕОТИПИ со учениците од нашето училиште од втора,трета и четврта година кои го изучуваат францускиот јазик.

IMG 7160

Последно освежено на петок, 13 мај 2016 13:18
Повеќе...
 
„Современа средина за учење“-нов проект во СОУ Гимназија „Добри Даскалов“ PDF Печати Е-пошта
четврток, 28 април 2016 11:18

Продолжува успешната соработка меѓу СОУ Гимназија „Добри Даскалов“ и Универзитетот „Гоце Делчев“од Штип преку нов проект чии придобивки ќе бидат многу значајни. Соработката меѓу двете образовни институции започна 2011 година со имплементација на системот за електронско учење –Moodle, преку кој гимназијата успешно се вклучи во современата електронска настава и го подобри квалитетот на учењето.

Проектот„Современа средина за учење“ кој претставува спој на средното и високото образование ќе се реализира во две фази. Деновиве ќе започне првата фаза во која треба да се оспособи просторот со две училници во кои ќе се внесе најсовремена опрема за учење во сопственост на универзитетот: 2 интерактивни табли кои ќе овозможат видео-конференциски врски, компјутери, клупи ,столчиња, постери и др. На тој начин ќе се создададат современи училници кои ќе претставуваат средина за еден креативен начин на учење за учениците,професионален развој на наставниците и обука.

Втората фаза од овој проект е предвидена за наредната учебна година.Универзитетот ќе биде домаќин на Саем за иновации, на кој ќе земат учество повеќе средни училишта од регионот.Учениците ќе имаат можност да ги промовираат проектните активности и да се запознаат со условите за студирање на овој универзитет. На овој начин Универзитетот „Гоце Делчев“ ја покажува општествената одговорност преку создавање на современа средина за учење и подобрување на образовната пракса на средношколците. Директорката на гимназијата, Невенка Поп-Ангелова, искажа благодарност кон Универзитетот за проектот преку кој ќе се подобрува и просторот и квалитетот на наставата во гимназијата како модерно училиште на 21.век.

 
Учество на наши ученици на 13-тата по ред Интернационална Конференација за Информатика и Информатичка технологија CIIT 2016 PDF Печати Е-пошта
среда, 11 мај 2016 15:59

Во периодот од 22-ри до 24-ти април 2016 година, во хотел Молика во Битола, се одржа 13-тата Интернационална Конференција за Информатика и Информатичка Технологија (CiiT 2016), организирана од страна на Факултетот за Информатички Науки и Компјутерско Инженерство (ФИНКИ) при Универзитетот Св. Кирил и Методиј во Скопје.

Во рамките на оваа научна конференција беа презентирани научни трудови на следните теми: Вештачка интелегенција, Роботика, Биоинформатика, Компјутерски мрежи и др., од повеќе земји од регионот, Европа и светот. Во текот на овие три дена се одржаа 6 сесии со времетраење од 90 минути.

Во склоп на оваа научна конференција се одржа и работилница координирана од Ученичкиот Институт по Математика и Информатика кој е резултат на проектната соработка меѓу Македонската Академија на Науките и Уметностите и Бугарската Академија на Науките, а поддржана од Здружението на Информатичари на Македонија и Сојузот на Математичари на Македонија. На оваа работилница учество зеде и ученикот Александар Тренчев, ученик во IV клас во гимназија „Добри Даскалов-Кавадарци“, со научен труд под наслов „Програма за операции со комплексни броеви во тригонометриска форма“, под менторство на проф. по информатика м-р Зоран Милевски, и за истиот се здоби со сертификат за успешно учество. 

   CIIT-2016-2   CIIT-2016-3   

Ова не е прво учество на професори и ученици од нашата гимназијата на оваа конференција. На 10-тата CiiT конференција во 2013 година директорката на гимназијата Невенка Поп-Ангелова и проф. по информатика Зоран Милевски презентираа труд со наслов „Ефективност во користење на е-учење Moodle во образовниот процес“, во кој го истакнаа процесот на воведување на електронското учење Moodle во гимназијата „Добри Даскалов“.

Нашето училиште и во иднина продолжува да ги следи новините и конференциите кои што се одржуваат и секако ќе продолжи да охрабрува и останати ученици да земаат учество на овие настани.

Последно освежено на среда, 11 мај 2016 17:09
 
<< Почеток < Пред 1 2 3 4 5 6 7 8 9 10 Следно > Крај >>

Страница 1 од 77

Креативно катче

Банер

Научна ризница

Банер

Стани гимназијалец!!!

Банер

Кажи нешто

Банер

Кодекс за однесување на учениците

Банер

Флаер

Банер
Facebook Image

е-списанија

Youtube Channel




Wiki

Wikipedia

Go macedonian english german french italian

Екстерно тестирање

Банер

Систем за е-учење

Банер

iOERc.mk

Банер

Огласна табла

Банер

Информации за Државна матура

Банер

Времетраење на часовите

Банер
Банер
Банер
Банер
Банер